Umhverfissjálfbærar fjárfestingar
Fræðsluerindi um umhverfissjálfbærar fjárfestingar
15. janúar kl. 9.00 á Teams
Helga Melkorka Óttarsdóttir lögmaður hjá LOGOS fer yfir meginatriði flokkunarreglugerðar Evrópusambandsins EU – Taxonomy og hvernig hún snertir lífeyrissjóðina varðandi upplýsingagjöf um umhverfissjálfbærar fjárfestingar.
Sameiginlegur skilningur fjárfesta á hugtakinu umhverfissjálfbær atvinnu-starfsemi auðveldar samanburð á milli slíkra fjárfestinga og eflir traust fjárfesta á þeim fjárfestingum sem sagðar eru vera grænar. Flokkunarreglugerðin gerir það mögulegt að flokka atvinnustarfsemi eftir því hvort hún er umhverfissjálfbær eða ekki.
Hlíting í atvinnustarfsemi
Annað efni tengt samfélagslegri ábyrgð sem aukin áhersla hefur verið lögð á síðustu misseri er hlíting (compliance) í allri atvinnustarfsemi. Hlíting felur í sér að innleiða ferla, fræða starfsfólk og framkvæma reglulega úttektir samkvæmt gildandi regluverki. LOGOS hefur aðstoðað fyrirtæki við þau verkefni og mun Helga útskýra með hvaða hætti það er gert í erindi sínu.
Samfélagsleg ábyrgð
Fyrir rekstraraðila sem vilja ganga lengra en lögin segja til um hefur verið innleidd stefna um varnir gegn mútum og spillingu. Í þeirri vinnu er m.a. byggt á sáttmála Sameinuðu þjóðanna um samfélagsábyrgð UN Global Compact og leiðbeiningar Nasdaq um samfélagslega ábyrgð.
