Lærdómur ársins 2020 getur markað nýtt upphaf
Fordæmalaus velsæld sem er því miður ekki sjálfbær
Við vekjum athygli á áhugaverðri grein sem birtist í síðustu viku eftir Tómas Njál Möller formann Festu miðstöðvar um samfélagslega ábyrgð og sjálfbærni.
Í greininni fjallar Tómas m.a um hvernig mannkynið hefur þróast úr að vera lítið þorp á stórri jörð í risastóra borg á lítilli jörð. Því hafi fylgt fordæmalaus velsæld sem er því miður ekki sjálfbær. Í raun sé verið að taka lán hjá komandi kynslóðum sem óvíst er hvernig hægt er að greiða til baka.
Hugsa viðskiptalíkön sín upp á nýtt
Einnig vitnar Tómas í ræðu sem Mark Carney fyrrum bankastjóri Englandsbanka flutti nýlaga þar sem hann segir að fjárfestar þurfi að hugsa viðskiptalíkön sín upp á nýtt með sjálfbærni að leiðarljósi. Það gæti komið í veg fyrir að við ógnum framtíð komandi kynslóða og um leið skapað okkur stærri viðskiptatækifæri en við höfum áður séð.
Hér má nálgast greinina í heild sinni: Lærdómur ársins 2020 getur markað nýtt upphaf.
Í greininni er vakin athygli á veglegri ráðstefnu á vegum Festu sem verður
28. janúar kl. 9.00 - 12.00 og ber yfirskriftina Nýtt upphaf!
