Kynningar-og samráðsfundur LL

Haldinn var kynningar- og samráðsfundur þar sem farið var yfir nokkur áhugaverð málefni sem verið hafa í deiglunni. Erindin voru fjölbreytt en eiga það sameiginlegt að varða lífeyrissjóðakerfið með einum eða öðrum hætti. Fundurinn var fyrst og fremst upplýsingafundur en að sama skapi gafst gott færi á að ræða hin ýmsu mál og skiptast á skoðunum.

Framsöguerindi:

Landssamtök lífeyrissjóða – almenn kynning á starfsemi samtakanna og helstu niðurstöðum úr viðhorfskönnun Maskínu.

- Þórey S. Þórðardóttir framkvæmdastjóri LL - glærur

Fyrning lífeyrisréttinda. Kynning á helstu niðurstöðum álitsgerðar þar sem farið er yfir álitamál er viðkoma fyrningu lífeyrisréttinda og hvort tilefni sé til breytinga.

- Víðir Smári Petersen, prófessor við lagadeild Háskóla Íslands - glærur

Lífeyrissjóðir og lífskjör eldra fólks. Kynntar voru bráðabirgðaniðurstöður rannsóknar um þróun lífskjara og lágtekjuhlutfalla eldri borgara.

- Kolbeinn Hólm Stefánsson, dósent á félagsvísindasviði Háskóla Íslands - glærur

 Fjármálastöðugleiki. Kynning á helstu efnisþáttum úr riti Seðlabanka Íslands, Fjármálastöðugleiki 2025/2 - glærur

- Tómas Brynjólfsson, varaseðlabankastjóri fjármálastöðugleika

- Flóki Halldórsson, framkvæmdastjóri á fjármálastöðugleikasviði 

Fundurinn var vel sóttur og skapaðist lífleg umræða um efni erindanna.