Söguleg stjórnarkosning

Kosning aðal- og varamanna í stjórn Landssamtaka lífeyrissjóða var söguleg á aðalfundi samtakanna 2026 vegna þess að í fyrsta sinn náðist ekki samstaða í uppstillingarnefnd um samsetningu stjórnar og voru því tillögur meirihluta og minnihluta nefndarinnar lagðar fyrir fundinn.

Meirihluti þeirra fulltrúa sem atkvæðisrétt höfðu greiddi tillögu meirihlutans atkvæði sitt. Það fylgir sögu að aðalfundurinn samþykkti líka að efna til sérstaks fundar í haust þar sem fjallað yrði vítt og breitt um hlutverk landssamtakanna, samsetningu stjórnar og fjölda stjórnarmanna.

Fulltrúar „frjálsu lífeyrissjóðanna“ telja að fjöldi aðal- og varamanna úr sínum röðum í stjórn Landssamtakanna sé ekki í samræmi við vægi sjóðanna í lífeyrissjóðakerfinu.

Einn nýr stjórnarmaður var kjörinn á aðalfundinum nú. Meirihluti uppstillingarnefndar lagði til að Ólafía Bjarnheiður Ásbjörnsdóttir, fulltrúi launafólks í Lífeyrissjóði Rangæinga, yrði kjörin nýr aðalmaður í stjórn Landssamtaka lífeyrissjóða en varamenn stjórnar yrðu Sigríður Magnúsdóttir, stjórnarmaður í Almenna-Lífsverki, og Agni Ásgeirsson, stjórnarmaður í Almenna-Lífsverki.

Þau hlutu kosningu í samræmi við uppstillingu meirihluta uppstillingarnefndar.

Minnihluti nefndarinnar lagði til að Agni Ásgeirsson, Almenna-Lífsverki, yrði nýr aðalmaður í stjórn Landssamtakanna en varamenn yrðu Sigríður Magnúsdóttir, Almenna-Lífsverki, og Guðmundur Stefán Steindórsson, framkvæmdastjóri SL.

Stjórn Landssamtaka lífeyrissjóða starfsárið 2026-2027 er því þannig skipuð.