Skipting ellilífeyrisréttinda
Fræðsla um skiptingu ellífeyrisréttindi milli hjóna/sambúðaraðila
Miðvikudaginn 24. maí kl. 11.30 - 13.00 verður hádegisfræðsla í Guðrúnartúni 1, 4. hæð og á fjarfundi þar sem farið verður yfir heimildir til skiptingar ellilífeyrisréttinda milli hjóna/sambúðarfólks.
Þórey S. Þórðardóttir og Helga Sveinbjörnsdóttir fara yfir helstu reglur, umsóknarferlið og framkvæmdina. Þrjár leiðir eru til skiptingar:
- Skipting ellilífeyrisgreiðslna.
- Skipting á áunnum ellilífeyrisréttindum sem þarf að eiga sér stað fyrir 65 ára aldur.
- Skipting framtíðarréttinda, þ.e. þeirra ellilífeyrisréttinda sem ávinnast með iðgjaldagreiðslum eftir að samkomulag um skiptingu hefur verið gert.
Reynsla af breyttu verklagi
Verklagi við skiptingu ellilífeyrisréttinda var breytt á árinu 2020 og eftir framsögu erinda gefst færi á að skiptast á skoðunum og meta í sameiningu hvernig til hefur tekist og hvort eitthvað megi betur fara.
Breytingin fólst aðallega í því að framkvæmdin færðist frá LL til lífeyrissjóða þannig að sá lífeyrissjóður sem sótt er um skiptingu hjá annast upplýsingagjöf og leiðsögn til samningsaðila. Enn fremur annast sá sjóður að koma samningi og upplýsingum áfram til þeirra lífeyrissjóða sem viðkomandi skipting varðar.
