Mánaðarpóstur, maí 2013

Fréttir

Gagnagrunnur um lífeyrisgreiðslur og alþjóðleg samanburðarrannsókn

Landssamtök lífeyrissjóða hafa ákveðið að stofna gagnagrunn með upplýsingum um áunnin lífeyrisréttindi allra sjóðfélaga í íslenkum lífeyrissjóðum og viðbótarlífeyrissparnaði. Upplýsingarnar komi úr fimm gagnagrunnum sem reknir eru á vegum lífeyrissjóðanna og frá öðrum vörsluaðilum lífeyrissparnaðar.
Sjá nánar 

Viljayfirlýsing vegna lánsveða

Ríkisstjórnin og Landssamtök lífeyrissjóða undirrituðu þann 23. apríl s.l. viljayfirlýsingu um aðgerðir í þágu yfirveðsettra heimila með lánsveð til íbúðarkaupa. Samkvæmt yfirlýsingunni er stefnt að hliðstæðri lausn fyrir þá sem fengu lánsveð til íbúðarkaupa og var samkvæmt svonefndri 110% leið.
Sjá nánar 

Íslenska lífeyriskerfið - viðfangsefni doktorsverkefnis

Föstudaginn 17. maí fór fram doktorsvörn við Háskóla Íslands þar sem Ólafur Ísleifsson hagfræðingur varði doktorsritgerð sína um íslenska lífeyriskerfið. Í verkefninu er lögð áhersla á margvíslega áhættu sem steðjar að lífeyrissjóðunum á komandi tímum vegna fjárhagslegra og lýðfræðilegra þátta. Í verkefninu er sett fram reiknilíkan sem gerir kleift að meta töluleg áhrif breytinga á þessum þáttum.

Af vettvangi LL

Lífeyrissjóðir, okkar ábyrgð og áhætta

Þann 18. apríl s.l. var efnt til ráðstefnu þar sem fjallað var um áhættu í lífeyriskerfinu. Fyrirlesarar voru Þórey S. Þórðardóttir, Björn Z. Ásgrímsson, Lúðvík Elíasson, Ólafur Ísleifsson, Steinunn Guðjónsdóttir og Sverrir Ólafsson.
Sjá hér efni frá ráðstefnunni 

Á döfinni

24. maí: Áhrif tilmæla FME á rekstur upplýsingatæknikerfa eftirlitsskyldra aðila

LL hefur boðað til kynningar-fundar þann 24. maí þar sem Bjarni Júlíusson ráðgjafi mun kynna tillögur að breytingum á verklagi og öryggisþáttum í rekstri UT kerfa.

30. maí: Aðalfundur LL

Aðalfundur LL verður haldinn fimmtudaginn 30. maí 2013, á Grand Hótel Reykjavík.

30. maí: Fjárfestingarumhverfi íslenskra lífeyrissjóða

Fimmtudaginn 30. maí, kl. 13.00 á Grand hótel, flytur Ásgeir Jónsson, doktor í hagfræði, erindi um fjárfestingarumhverfi íslenskra lífeyrissjóða. Aðgangur er öllum opinn. Vinsamlega tilkynna þátttöku á radstefna@ll.is

5.-7. júní: Námskeið til undirbúnings hæfismati FME

Félagsmálaskóli alþýðu heldur í samráði við LL halda námskeið fyrir stjórnarmenn lífeyrissjóða til undirbúnings hæfismati FME. Sjá nánar

Greinar um lífeyrismál

Árangur af rekstri  lífeyrissjóða

Eignir lífeyrissjóða jukust um 7,6% frá mars 2012 til mars 2013. Sjá nánar