Tölur og gögn um lífeyriskerfið
Umræða um lífeyrismál á grundvelli staðreynda og gagna
Innan Landssamtaka lífeyrissjóða (LL) hefur í nokkurn tíma verið unnið að því að bæta gagnaöflun og birtingu gagna um lífeyrismál á heimasíðu samtakanna. Lengi hefur verið starfandi hagtöluhópur á vegum LL sem hefur haft það hlutverk að safna saman og birta gögn um lífeyrissjóðina og lífeyrismál almennt. Á síðasta ári var Ásta Ásgeirsdóttir hagfræðingur ráðin sem nýr sérfræðingur hjá LL og tók hún við því verkefni að sjá um birtingu og uppfærslur á hagtölum lífeyrissjóðanna og vinna með hagtöluhópnum að þróun þessa málaflokks. Meðal þess sem hefur verið gert undanfarið ár er að uppfæra myndefni og talnagögn á heimasíðunni og bæta við lykiltölum og myndum á ensku fyrir erlenda aðila sem hafa áhuga á íslenska lífeyriskerfinu.
Gröf um lífeyrismál
Á síðunni Tölur og gögn eru birt gröf um lífeyrismál eftir eftirfarandi flokkun.
- Eignir
- Lífeyrisgreiðslur og iðgjöld
- Ávöxtun og kostnaður
- Fasteignalán til heimila
- Fróðleiksmolar um lífeyrismál
- Erlendur samanburður
Facts and figures
Einnig eru birt gröf á ensku heimasíðunni undir Facts and figures en þar er lögð áhersla á tölur og gögn sem gætu verið áhugaverð fyrir sérfræðinga hjá erlendum stofnunum eða erlenda fræðimenn sem hafa áhuga á íslenska lífeyriskerfinu og vilja kynna sér það nánar.
Gott aðgengi að tölulegum upplýsingum er forsenda þess að umræða um lífeyrismál fari fram á grundvelli staðreynda og gagna. Þær myndir sem birtar eru á heimasíðu LL undir Tölur og gögn eru hugsaðar til fróðleiks fyrir almenning og stofnanir og vonandi koma þær að gagni fyrir þá sem hafa áhuga á að grúska í þeim.
